Taxi drayber wa moabang gipadakop

CEBU, Philippines - Gidakop sa kapolisan ang usa ka taxi drayber kinsa gireklamong wala mobayad sa abang ngadto sa tag-iya.

Ang gidakop alas 10 pasado kagahapon sa buntag mao si Albert Hemrosa Lim, 43, minyo, sa iyang gipuy-an sa Punta Engaño, dakbayan sa Lapu-Lapu.

Si Lim drayber sa Nissan Taxi nga nagdala sa plate number GWX 577 nga gipanag-iya ni Estela Evasco, sa Hillside, Barangay Pagsabungan, dakbayan sa Mandaue.

Matud ni PO1 Jose Jamiro sa Presinto 3 sa Mandaue City Police Office nga gireklamo ni Evasco si Lim nga wala na mo-remit sa abang nga tag P900 matag adlaw gawas sa gasoline nga P2,420 sukad niadtong Hunyo 20.

Dugang ni Jamiro nga sa ocular inspection nga ilang gihimo ilang nasuta nga nahanaw na ang car stereo sa taxi unit. (BANAT NEWS)