Polis mamusil gyud og pushers kun…
CEBU, Philippines - Hepe sa City Intelligence Branch sa Cebu City Police Office mipasidaan sa mga drug pushers nga dili nalang mosukol kung sila madakpan aron dili mabutang sa peligro ang ilang kinabuhi.
Si Superintendent Romeo Santander namahayag niini human sa nahitabong shootout tali sa kapulisan ug sa gipasanginlang level 2 drug pusher sa Barangay Duljo Fatima nga si Edward Adaza kinsa napatay sa CIB.
Sumala pa Santander nga si Adaza, usa lang sa sinaligan sa usa ka druglord nga nag-operate sa maong lugar.
Gipasabot ni Santander nga wala’y plano ang kapulisan nga patyon ang mga drug pushers apan kung ugaling mosukol ug mabutang sa peligro ang kinabuhi sa mga pulis dili sila magpanuko sa pagdepensa sa ilang kaugalingon.
“A warning to them, nga dili nalang mosukol, kay kung mabutang sa delikado ang pulis, dili sab mi magpanagana,†bahad pa ni Santander nga nahinabi sa Banat News. (BANAT NEWS)
- Latest
