Sen. Revilla andam na mo-surrender
CEBU, Philippines - Mo-surrender sa Sandiganbayan si Senador Ramon “Bong†Revilla Jr. sumala pa sa usa ka opisyal sa korte bisan wala pay warrant of arrest nga gi-isyu kaniya. Si Stella Teresita Rosete, clerk of court sa Sandiganbayan, miingon nga ang abogado ni Revilla mitawag sa Sandiganbayan ug miingon nga andam mo-surrender ang senador kagahapong adlawa.
Matud ni Rosete nga mamahimong i-detain si Revilla sa sheriff’s office sa Sandiganbayan.
Si Revilla uban nila ni Senador Juan Ponce Enrile ug Jose “Jinggoy†Estrada gipasakaan og kasong graft ug plunder sa Sandiganbayan tungod sa pork barrel scam.
Nasayran sa Banat News nga giandam pa ang warrant alang sa tulo apan sa higayon nga ma-isyu na kini boluntaryo nga mo-surrender si Revilla.
Apan sa usa ka report sa Yahoo News nga gikutlo gikan sa ANC kagahapon, ang abogado ni Revilla nga si Atty. Joel Bodegon wa na mahibulong nga dunay hold departure order sa iyang kliyente.
Hinuon daw nagpadungog-dungog kini nga ilang hangyuon ang korte nga kung mahimo i-house arrest lang si Revilla o ba kaha modemanda sila og mas maayong detention cell, matud niya nga wala hinuon kini nagpasabot nga mangayo sila og special treatment kondili tungod kini kay wa gyu’y sala si Revilla. (BANAT NEWS)
- Latest
