ATM sa 4Ps giprenda?
CEBU, Philippines - Giprenda na sa ubang beneficiaries sa Pantawid Pamilyang Pilipino Program (4P's) sa dakbayan sa San Carlos, Negros Occidental ang ilang automated teller machine (ATM) cards.
Ang city link sa Department of Social Welfare and Development (DSWD) nga si Tessa Mae Agasan nitug-an nga daghan na nasakpang niprenda sa ilang ATM cards isip garantiya sa ilang pagpangutang.
Matud ni Agasan nga ila nang naila ang mga niprenda sa ilang ATM cards ug ila nang naisyuhan og first offense uban ang pahimangno nga mas bug-at pa unya ang silot kung ilang sublion ang kalapasan.
Katuyoan sa 4Ps mao nga matabangan ang mga kabus nga pamilyang Pinoy pinaagi sa paghatag og kwarta aron makapakaon ug mapa-eskwela ang mga anak.
Apan iyang gitataw nga ang ilang labaw nga opisyal sa DSWD-6 mao lang ang bugtong makapahamtang og silot niadtong nagpabaya nga mga beneficiaries sa 4P's. - /GMR (BANAT NEWS)
- Latest
