Nothing to terminate
CEBU, Philippines - Mao kini ang sulti sa amigo nato’ng taga-media bahin sa pag-terminate sa services sa Blackpearl Security Agency sa Kapitolyo. Matud niya, unsa may gi-terminate nga wala pa may nakadaug sa bidding, ug labaw sa tanan, wala pay kontrata nga gipirmahan.
Ug tungod kay sa ilang giingon, bulontaryo ang services sa Blackpearl dili kini kinahanglan i-terminate, kundili, boluntaryo usab nga mohunong sila sa pag-serbisyo, without being told to quit … or advice lang, with thanks, pag-stop na sa ilang free services.
Niining tungora, bilib ko sa Blackpearl pagboluntaryo sa ilang services sa walay pagpaabot nga bayran, bisan tuod og diha’y miingon nga bayran sila for services rendered. Maayo ‘sab tingali’ng bayran, or hatagan og Certificate of Appreciation for the services rendered for love.
On the other hand, sila ba ang nanghagad to volunteer their service for free, o dunay nag-allow o nag-aghat kanila to take over na sa security services sa Capitol?
Dugang niini, miingon ‘sab ang akong amigo nga flimsy kuno kaayo ang rason pag-terminate sa voluntary services sa Blackpearl, tungod kay kun mihimo pa unta ang Capitol og background investigation sa kapasidad sa Blackpearl before allowed them to take over, dili unta mahitabo nga may mabuthan sa shotgun ug madiskobrehan nga kulang sila’g armas ug ang uban nga gwardya wala’y lisensiya.
Matud sa akong amigo, there was a bulilyaso somewhere, ug kinahanglan dunay manubag niini.
Unsa man, ang pag-rebidding, pag-angkon ba kini nga there was a failure in the process sa una nga pag-bidding? Maoy iyang panghinaut nga dili kamantsahan ang katarong ug kaligdong ni Gobernador Junjun Davide.
Sa mga istambay pa: Let us to wait and see.
* * *
Karon nga na-file na g’yud ang kaso batok sa first batch nga mga akusado sa gidudahang nalambigit sa pork barrel scam, ang duwa adto na sa korte ug wala nay epekto ang mga privilege speeches, mga press release, pakiluoy sa mga fans ug mga sumosunod, pamahayag sa mga abogado, mga denials … unsa pa na diha.
Of course, makalansar pa sila sa 2016 election, unless ma-proven guilty. Ug kahibalo man kita sa kahinay motuyok sa wheels of justice sa atong nasud. Ambot tinuyo ba ni. Sa mga election protests pananglitan, usahay ang mga desisyon sa Comelec mapakanaug usa ka adlaw na lang sa dili pa matapos ang term sa winning candidate. Sa ato pa, usa na lang ka adlaw ang pagka-mayor o pagka-gobernador.
Anyway, kun molansar sila nga may pending pa nga kaso, mobotar ka?
* * *
Dunay balaudnon nga nagsupak sa Age Discrimination sa panarbaho. Sa ato pa, mangaplay ka og trabaho, dili na basehan ang edad sa applicant kun madawat ba o dili, kun mahimo na kining balaud. Qualification ang importante, tungod kay dili awtomatik nga kon 40 o 60 na ang imong edad, wala na kay hinungdan nga tawo, itandi sa nag-edad pag 18 o 25. Dili ba? (BANAT NEWS)
- Latest
