Giaway sa uyab naghikog
CEBU, Philippines - Dako na lang ang kahikurat sa usa ka inahan dihang iyang nakita nga nagbitay na sulod sa iyang panimalay niadtong nakalabay nga adlaw ang iyang 23- anyos nga anak sulod sa ilang panimalay sa Barangay Poblacion Oriental, Consolacion.
Si Merlinda Reuyan, dali nga nangayo og tabang sa iyang mga silingan ug sa kapulisan aron tabangan ang iyang anak nga si Louie Reuyan.
Matud pa ni SPO3 Renerio Patillas nga nahinabi sa Banat News nga base sa ilang imbestigasyon, ang inahan mitug-an nga naglalis ang iyang anak ug sa hinigugma niini sa wala pa madiskubrehi ang lawas sa anak.
Apan wala magdahom ang inahan nga maghikog ang anak nga sa iyang pagtuo simple lang nga lalis ang nahitabo sa anak ug sa uyab niini.
Nakuha sa kapulisan gikan sa crime scene ang sling sa bag nga maoy gigamit sa nagpakamatay nga iyang gihikot sa iyang liog ug gihikot ‘sab sa taas nga bahin sa ilang balay.
Ang inahan uban sa mga silingan dali pa unta nga midala niini sa Eversely Child Sanitarium Hospital apan gideklara kini nga dead on arrival. (BANAT NEWS)
- Latest
