CIDG-7 andam motabang sa Davao Police pag-imbestigar sa kamatayon ni King
CEBU, Philippines - Kapolisan sa Sugbo andam makig-alayon sa Davao City Police Office alang sa paspas nga pagsulbad sa pagpatay sa Sugboanong negosyante nga si Richard King didto sa maong siyudad.
Matud ni Police Superintendent Fermin Armendarez III, Deputy Regional Chief sa Criminal Investigation and Detection Group-7 duha ka anggulo nga kompetensya sa negosyo ug love triangle ang gisubay sa mga polis.
Dugang pa ni Armendaez nga bisan pa man dili dinhi sa Sugbo nahitabo ang maong krimen andam nilang subayon ang posibleng mga anggulo nga makatabang sa imbestigasyon sa kapolisan didto sa Davao.
Base sa mga naunang reports, ang imbestigasyon ni Superintendent Warren Diablo sa CIDG Davao nga si King miabot sa Davao City alang sa iyang mga investments didto.
Si King usa ka negosyante ug maoy tag-iya sa Crown Regency Hotel, Club Ultima ug The City Suites Ramos Tower. Siya usab ang founder ug director sa Boracay Multiple Properties Inc. ug Vital-C. Si King gipusil patay sa sulod sa iyang buhatan sa Davao City sa wala pa mailhing armadong tawo pasado alas-7 sa miaging gabii.
Samtang ang hepe sa Davao City Police Office nga si Senior Superintendent Vicente Danao Jr. miingon nga duna na sila cartographic sketch sa dagway sa gunman.
Dugang pa ni Danao nga gusto ‘sab nila maestorya ang pamilya sa namatay aron makakuha og dugang mga impormasyon. (BANAT NEWS)
- Latest
