Mga doktor di mabayran

CEBU, Philippines -  Matud pa niya, bisan gani ang ubang PhilHealth-accredited doctors dili gani bayran og husto sa maong insurance firm sa gobiyerno.

Base sa PhilHealth Circular 35 s. 2013, ang case rate payments naglakip sa “professional fee and health care institution charges but not limited to room and board, diagnostics and laboratories, drugs, medicines and supplies, operating room fees, and other fees.”

Laing reklamo sa mga doktor nga di sila bayran sa tanang pasyenteng miyembro sa PhilHealth sa ilang serbisyo.

Sa kaso ni Belarmino, dunay higayon nga sa sud sa usa ka buwan singkwenta ka PhilHealth members ang iyang nahimong pasyente, kada usa unta subay sa kasabotan sa PhilHealth, duna siya’y tag P2,000 nga professional fee.

“But I only got paid for six patients. Where are the others,” pangutana pa niya. Sumala pa ni Belarmino kadtong mga doktor nga gi-certify sa PhilHealth obligadong gipabayad og accreditation fee nga P1,500 kada tuig.  Kadtong mapakyas pagbayad sa hustong oras, awtomatikong motangtang kanila.

“They are actually very strict. Makalapas ra gane mi, penalty dayon. Pero in-ana sila ka-delay when it comes to reimbursing the hospitals with the payment. Sometimes, we would joke around that they also have to pay for the interest charges,” reklamo pa ni Belarmino.

Private  hospitals  mibahad

Si PHAPi president Rustico Jimenez sa sayo pa miingon nga dunay 600 ka mga tambalanan sa nasud nga naghuna-huna na nga dili na dawaton ang mga PhilHealth membership sa mga pasyente tungod niini nga paglangay-langay sa pagbayad niini nga nakaapektar na sa ilang operasyon.

Matud pa ni Camba, kung magpadayon ang ingon ani nga sistema, dako kaayo ang kahigayonan nga ang mga tambalanan dinhi sa rehiyon posibleng dili na motuman pa sa ilang kasabotan tali sa PhilHealth.

“There will be no doubt that hospitals in Cebu, too, may follow,” matud niya.

Samtang si Tricia Ivy Gullas, ang administrador sa Vicente Gullas Memorial Hospital miingon, nga wala pa kaayo sila maapektahi sa payment scheme sa PhilHealth sa pagkakaron.

Ang VGMH magdawatan og reimbursement matag duha ngadto sa tulo ka buwan dili parehas kaniadto nga tag-unom ka buwan una pa sila mabayran.

Iya usab nga gitug-an ang palisiya nga ilang gipatuman karon sa maong tambalanan kabahin sa mga insurance companies nga gustong magpa-accredit kanila nga kinahanglang magbutang sila og average bond nga moabot og P50,000 ngadto sa P100,000. “If in case di kabayad ang pasyente or ang insurance company, ang bond ang mo-shoulder sa expenses. But as soon as the bond would be exhausted, they already have to reimburse it. Dapat unta gani naa’y interest if they cannot pay in a specific duration,” dugang pasabot ni Gullas.

Matud ni Gullas nga 90 porsiyento sa ilang mga pasyente ang migamit og PhilHealth.

Si Mayca Reboquio, kinsa tulo ka tuig nang PhilHealth staff sa VGMH miingon nga dunay lima ngadto sa pito ka mga pasyente ang ilang maalagaran matag adlaw nga migamit og PhilHealth cards. (Sumpayan pa)(BANAT NEWS)