Edukasyon sa mga piniriso giandam
CEBU, Philippines - Gawas sa pagbukas sa regular nga klase karong tuiga, ang Department of Education nakaandam usab alang sa paghatag og edukasyon alang sa mga piniriso.
Matud ni DepEd-7 Regional Director Carmelita Dulangon nga ang education program alang sa mga piniriso gipaagi sa Alternative Learning System (ALS).
Ang ALS una nang gipatuman sa mga pampublikong tunghaan alang niadtong taas na ang pangedaron apan gusto makahuman sa ilang pag-eskwela.
Matud ni Dulangon nga karong tuiga kapin sa 300 ka mga magtutudlo gikan sa Central ug Eastern Visayas ang ilang gipaubos sa training ug orientation alang sa pagpalapad pa sa ALS sa DepEd.
Dinhi sa Sugbo, si Dulangon nagkanayon nga ang mga magtutudlo sa ALS moadto sa prisohan sa siyudad sa Sugbo, Talisay, Toledo ug Lapu-Lapu.
Gawas sa pagkat-on unsaon sa pagbasa ug pagsulat, ang mga piniriso tudloan usab sa kahibawo sama sa welding ug uban pa.
"Aron makagawas na gani, aduna sad silay makamahoan nga magamit pud nila sa panginabuhian,†matud ni Dulangon. (/GMR)(BANAT NEWS)
- Latest
