Multa sa kolurom P1M na
CEBU, Philippines - Gikatakda nga karong Hunyo 19 ipatuman na ang multa nga P1 milyon inay nga P6 mil ra ang multa niadtong madakpang kolurom nga mga pasaheroan.
Kini ang unod sa gipagawas nga Joint Administrative Order sa Department of Transportation and Communication (DOTC).
Sayo niini mihimo og public consultation ang Land Transportation Office ug Land Transportation Franchising and Regulatory Board aron kuhaon ang sentimiyento sa publiko sa pag-usbaw sa mga penalty.
Matud sa pangulo sa LTFRB-7 Ahmed Cuizon ang maong public consultation giuyonan sa mga lehitimong operators sa mga nagkalain-laing public utility vehicles tungod kay makahatag usab kini og kaayuhan kanila.
Nasayran nga ang kolurom nga mga sakyanan maoy nakapatay sa negosyo sa mga lehitimong mga operators nga misunod gyud sa lagda sa LTFRB.
Si Cuizon miingon nga kun hingpit na nga mapatuman ang maong bag-ong kamandoan mohunong na kining mga kolurom operators. (BANAT NEWS)
- Latest
