Suspek pagpamusil sa Tabogon nadakpan

CEBU, Philippines - Suspek sa pagpamusil sa usa ka lalaki nasikop sa kapolisan sa miaging adlaw atol sa hot pursuit operation sa Barangay Tapul sa lungsod sa Tabogon.

Ang nasikop naila nga si Renante Marsiona alyas Enan, 33, nga molupyo sa Barangay Mantuyong sa dakbayan sa Mandaue. Si Enan maoy gitudlo nga mipusil patay kang Crisvel Lobitana, 33, molupyo sa maong lugar.

Base sa imbestigayon sa kapolisan, gidul-itan og pusil sa suspetsado ang biktima diha sa iyang ulo hinungdan sa kamatayon niini.

Ang suspek nadakpan sa operasyon nga gipangulohan ni Inspector Bonifacio Pareja, hepe sa Tabogon police.

Kasamtangan karong natanggong ang suspek sa Tabogon Police Station samtang giandam pa ang kaso nga ipasaka batok kaniya.  (BANAT NEWS)