Resulta sa imbestigasyon pagplaster sa baba sa bata ipagawas na
CEBU, Philippines - Magtagbo karong adlaw ang inter-agency task group aron tukion ang resulta sa imbestigasyon may labot sa kaso sa bata nga giplasteran ang baba sa usa ka tambalanan.
Matud ni Atty. Dante Jadman sa Commission on Human Rights-7 nga sa ilang panagtagbo, usa sa iyang irekomendar mao ang pagpagawas sa resulta sa imbestigasyon.
Si Jadman miingon nga ilang usahon ang tanang findings ug i-assign sa usa ka grupo nga mao nay mosuwat sa kinatibuk-an nga report.
Nasayran nga upat na ka kaso sa giingong pag-plaster sa baba sa bata ang mitumaw diin ang duha nakuhaan og affidavit nga sila si Ryan Noval ug Joyce Noval, ginikanan sa bata nga si Baby Yohannes.
Ang pamahayag ni Lucresio Son gamiton usab isip suporta sa pasangil sa pamilyang Noval.
Gihulagway sa CHR-7 nga kun kompleto ang mga ebidensiya nga ipresentar sa mga reklamante batok sa Cebu Puericulture and Maternity House igo na kini alang sa kaso nga ipasaka sa mga hingtungdan.
Kahinumduman nga ang pamilyang Noval nibahad nga dili sila mo-atras sa kaso batok sa tambalanan aron kahatagan og hustisya ang nahitabo sa ilang anak. (BANAT NEWS)
- Latest
