Japanese national gilabnihan
CEBU, Philippines - Usa ka Japanese national ang nabiktima sa pagpanglabni, diha sa Governor Cuenco Avenue sa Barangay Banilad ning dakbayan sa Sugbo sa milabay’ng adlaw.
Igo na lang sa pagpa- blotter sa kapulisan sa Theft and Robbery Section sa Cebu City Police Office si Yuki Mataga, 21, taga Nishinimiya, Hyogo, Japan, kinsa kasamtangan nga nagtungha sa University of the Visayas sa kursong medicine.
Matud pa ni Mataga sa kapulisan nga samtang siya naglakaw sa maong dapit usa ka lalaki nga gibanabana nga 25 ngadto sa 30-anyos ang kalit milabni sa iyang cellphone. Sumala pa nga misulay pa unta og gukod si Mataga, apan dali nga nakapalayo ang kawatan dala ang iyang Iphone 5 kantidad kapin P60 mil. Nagpadayon pa ang kapulisan sa pag-ila sa maong kawatan sanglit way namay-ongan ang biktima sa mga dagway sa mga notadong badlungon sa rogues gallery sa TRS. (BANAT NEWS)
- Latest
