Tulo ka ‘pushers’ nadakpan

CEBU, Philippines - Gipasakaan og kaso sa kapolisan sa Lapu-Lapu City Police Office (LCPO) ang tulo ka tawo nga nadakpan sa buy-bust operation sa Sitio Datag, Barangay Maribago alas- 5 pasado ang takna niadtong miaging adlaw.

Kalapasan sa Section 5, Section 11 ug Section 12 sa Article II ubos sa Republic Act 9165 ang gipasaka batok nila ni Greg Pilapil Empacis alyas Adoy ,  25, Greggy Oyao Taghoy, 31, ug Julius Agosto, 28, pulos nagpuyo sa maong dapit.

Ang tulo nadakpan sa grupo ni Senior Inspector Rogelio Pineda , hepe sa City Anti Drug Operation Task Force Group (CAIDSOTFG) sa LCPO uban sa mga sakop sa Philippine Drug Enforcement Agency 7.

Nasakmit sa tulo ang duha ka paketeng shabu ug drug paraphernalia uban sa marked money nga gigamit sa ilang police decoy sa pagpalit og shabu. (BANAT NEWS)