Ika-400 nga sumad sa parokya sa Barili giandaman

CEBU, Philippines - Andam na ang nagkalain-laing kalihukan sa dakung selebrasyon sa ika-400 nga founding anniversary sa parokya sa Santa Ana sa lungsod sa Barili karong Hunyo 25 ug 26.

Kini ang gibutyag ni Barili Mayor Teresito Mariñas, pangulo sa centennial celebration committee for civic affairs.

Ang simbahan sa ilang bahin mibutyag nga kun hisgutan ang physical preparations, daghan sila og gihimo sama sa pagpintal og bag-o sa simbahan, gi-ayo usab ang mga liki sa simbahan mugna sa kusog nga linog ug lakip na ang koral ug suga niini.

Si Engr. Edward Barolo, presidente sa Parish Pastoral Council, miingon nga aduna silay himoong mga pastoral visit diin ilang giapil ang ubang mga lungsod nga sakop parokya.

Bisan sa panagbuwag sa simbahan ug estado apan niining higayuna gipakita sa mga opisyal ang panaghiusa alang sa kalampusan sa ilang kalihukan. (/GMR)(BANAT NEWS)