Kapitolyo dili mobayad
CEBU, Philippines - Giklaro karon ni Gob. Hilario Davide III dili bayran sa iyang adminstrisyon ang mga utang sa wala nabayran nga mga kontrata kabahin sa inprastraktura nga gipahigayon sa kanhi administrasyon.
Tungod kay kini wala man misubay sa balaod nga unta moagi sa Sangguniang Panlalawigan, matud ni Provincial Legal Officer Atty. Orvi Ortega.
Depensa sad niya nga walay labot ang Commission on Audit (COA) sa paghukom kung bayran ba kini o dili kay ang ilaha ang pagtan-aw ra kung misubay ba kini sa auditing rules.
Si Ortega misugyot nga dunay mahimo ang mga kontraktor, kini mao ang pagpasaka og claim ngadto sa COA main office sa Manila o sa korte.
Apan kinahanglan silang mopresentar og mga dokumento nga nagpamatuod nga ilang gibuhat ang usa ka proyekto sa inprastraktura. (BANAT NEWS)
- Latest
