Squatters sa da compound di pa papahawaon
CEBU, Philippines - Wala pay mando gikan sa Provincial Legal Office (PLO) nga papahawaon karong adlawa ang mga ilegal nga nagpuyo sa mga bakanteng building sa Department of Agriculture (DA) 7 compound sa Barangay Guadalupe, Cebu City ug sa mga nagtukod og balay kilid niini.
Kahinumduman nga si Squatting Prevention and Demolition Division Head Loy Madrigal mitataw nga papahawaon karong adlawa ang 63 ka pamilya sulod sa compound ug 82 ka pamilya sa gawas.
Apan giklaro ni Davide wala pay legal notice ug kinahanglan pa kining i-report sa PLO nga maoy angay mogunit ug mohukom sa isyu.
Gani si Davide gusto nga limpyohan ang lugar aron matukod na ang giplanong main building sa Department of Agriculture ug masugdan na ang technical vocational program, usa ka livelihood program sa Kapitolyo nga himoon sa maong yuta.
“Last year I was told by the representative of DA that they plan to construct a main building there so that's why I want that area clear and we also need space for our livelihood program,†sigon sa gobernador.
Aduna usab siyay plano nga makigpulong sa mga namuyo sa compound aron mapaminaw ang ilang mga yangungo. Samtang si Provincial Legal Officer Atty. Orvi Ortega naghuwat pa sa report ni Madrigal una kini mopagawas og desisyon.
Ang 5.9 ektarya nga yuta gipanag-iya sa Kapitolyo niadtong July 23, 2010 nga gitukuran og 22 ka mga buildings ug lima ra niini ang nagamit alang sa mga opisina sa DA. (BANAT NEWS)
- Latest
