Basura sa merkado sa Guadalupe gihakot na

CEBU, Philippines - Nasulbad na ang problema sa basura sa merkado sa Guadalupe, dakbayan sa Sugbo.

Kini human naayo na ang trak nga tighakot niini.

Nunot niini ang mga tindera wala na makasinati sa pangalisbo sa baho gikan sa mga lata nga utanon ug tinai sa isda nga kaniadto dugay mahakot.

Giingong guba ang sakyanan nga mohakot sa basura niadtong higayuna.

Gani, dunay higayun nga mag-amot-amot ang mga tindera aron isuhol sa mohakot.

Samtang naproblema karon ang mga sidewalk vendors sa maong lugar sanglit papahawaon na sila nunot sa planong pagpalapad sa karsada. (BANAT NEWS)