Kilo sa bugas pabiling mahal

CEBU, Philippines - Giangkon sa National Food Authority-7 nga nagpabiling taas ang presyo sa commercial rice sa kamerkaduhan sa Sugbo.

Kini sukwahi sa pagtoo nga mokunhod ang presyo panahon sa ting-ani tungod sa kadaghan sa supply.

Matud sa tigpamaba sa NFA-7, Ma. Lucia Rosales, ang labing maayong klase sa bugas humay sama sa Ganador anaa gihapon sa kapin sa P50 matag kilo.

Kini tungod kay mahal gihapon ang palit sa mga traders sa humay didto sa Isabela ug Mindoro.

Apan bisan pa man niini, si Rosales nihulagway nga "tolerable" ra ang pagsaka sa maong bugas tungod usab sa pagmahal sa palit sa humay nga anaa sa presyo nga P22 matag kilo.

Ang NFA rice sa kamerkaduhan nagpabiling nakalansang sa P27 matag kilo. (BANAT NEWS)