Awhag sa VECO magdaginot sa kuryente

CEBU, Philippines - Giawhag sa Visayan Electric Company (VECO) ang mga konsumedor nga magdaginot sa paggamit sa kuryente tungod sa sitwasyon karon sa suplay sa kuryente.

Nasayran nga ang Malacañang mipadangat sa ilang kabalaka labot sa nasinati karon nga energy crisis sa Pilipinas.Isip tubag sa panawagan sa Malacañang, ang VECO mihimo og kampanya nga gitawag og Cebu Unplugged diin tinguha nila nga makadaginot sa kuryente.

Kini pinaagi sa ilang walo ka yanong paagi kung unsaon nga makadaginot sa kuryente. Ugmang adlawa adunay laing kalihukan nga himoon ang VECO alang sa ilang Energy Scouts Assemble. (BANAT NEWS)