Ulo sa dalagita nababha

CEBU, Philippines - Maayong pagkakagay sa ulo sa usa ka menor de edad nga babaye dihang kini gipusil samtang nagkaon sulod sa balay sa iyang amiga kagahapon sa hapon diha sa Barangay West Poblacion, dakbayan sa Naga.

Ang biktima giila nga si Mabel Manatad, 17, taga Barangay Uling, Naga City, nga nakaangkon og samad pinusilan sa iyang ulo.Samtang gipangita karon ang suspek nga si Danilo Villarico, 18.

Matud pa ni Superintendent Brendo Nacario ang hepe sa Naga Police nga igo lang milaban ang suspetsado sa igsoon niini nga babaye nga si Rachel, nga unang gikaaway sa namatay.

Si Rachel, barkada sa biktima ug ni Marjorie Canonigo, 18. Si Canonigo, gikatahong nagpa-blotter niadtong Martes sa Naga Police kay gisagpa ni Rachel  kay wa mahinayon ilang sabot nga manglaag kay nauwahi si Canonigo. Kagahapong adlawa nanglaag si Manatad kuyog si Canonigo apan naagian sila sa suspek kinsa mipusil dayon kang Canonigo apan wa mobuto ang armas.

Nagtoo si Manatad nga nagbinuang ang suspek ug giingnan niya kini og “ayaw diha og binuang kuya” apan si Manatad na hinuon maoy gipusil ug ning tungora mibuto kini tumong sa ulo sa biktima ug pagkahuman misibat sa wala matino nga direksyon nga padayon pa nga gipangita sa kapulisan. (BANAT NEWS)