58 ka buhing manok gipalusot
CEBU, Philippines - Gidakop sa mga guwardiya sa San Miguel Foods Magnolia sa Canduman, dakbayan sa Mandaue ang duha nila ka trabahante nga nasakpang nagpalusot og 58 ka buhing manok niadtong Lunes sa hapon.
Si PO3 Blair Pastor sa Presinto 6 sa Mandaue City Police Office (MCPO) miila sa mga nadakpan nga sila si Marcial Cajes, 48, nagpuyo sa Lamac, Consolacion ug drayber sa delivery truck sa kompaniya ug truck boy niini nga si Joselito Bolo, 26, taga Canduman sa maong dakbayan.
Ang mga guwardiya sa kompaniya gipangulohan ni security chief officer Rowen Labay maoy nakadakop sa duha ka mga trabahante.
Matud ni Pastor nga nag-deliver og mga manok ang delivery truck gikan sa farm ug gidala sa ilang compound.
Paggawas sa delivery truck nadiskubrehan sa mga guwardiya ang 58 pa ka buhi nga manok sulod sa truck nga gidala og balik sa ilang paggawas hinungdan nga gidakop sila si Cajes ug Bolo. (BANAT NEWS)
- Latest
