Namasul napalgang patay na

CEBU, Philippines - Usa ka 59-anyos nga lalaki napalgan kining naglutaw sa dagat nga wala nay kinabuhi sa milabay’ng adlaw diha sa Sitio Galo, Barangay Bonbon sa lungsod sa Aloguinsan.

Ang maong lalaki giila nga si Teodoro Pangpang, buwag sa asawa, taga Purok 3, Barangay Angilan sa nahisgutang lungsod.

Si SPO2 Alan Cardosa sa Aloguinsan Police Station mibutyag nga katapusang nakit-an si Pangpang nga namasol sa maong lugar.

Apan paglabay sa pila ka oras nabantayan sa mga mananagat sa maong dapit nga wala na maglihok ug nag-ubo nga naglutaw na ang lawas ni Pangpang diha sa dagat.

Si Pangpang gisuwayan pa kini og dala ngadto sa tambalanan sa lungsod apan gideklara sa doktor nga patay na.

Ang kapolisan nagpahigayon og follow-up nga imbestigasyon sa hitabo pagsuta kung wala bay foul play ang kamatayon ni Pangpang. (/BDB)(BANAT NEWS)