Davide miabiso batok sa ilegal nga drugas
CEBU, Philippines - Si Gobernador Hilario Davide III miawhag sa katawhan nga magbantay ug motabang sa pagpugong sa pagsulod sa lain-laing matang sa ginadiling drugas dinhi sa Sugbo.
"Let's just be vigilant sa entry sa mga drugsâ€, matud sa gobernador.
Kini human madiskubrehi sa Philippine Drugs Enforcement Agency (PDEA) ang bag-ong matang sa drugas nga gitawag nga “fly highâ€.
Apan masaligon si Davide nga gitutokan na sa kapolisan ug sa mga sakop sa PDEA ang maong problema.
Giawhag usab niya ang katawhan nga motabang sa pagsumpo sa problema sa ginadiling drugas pinaagi sa pagdangop dayon ngadto sa awtoridad kung adunay mahibaw-an nga tawo nga nalambigit sa ginadiling drugas.
Nunot niini, si Davide nalipay tungod kay ang mga lokal nga kagamhanan gustong ipailawom sa drug test ang ilang mga kawani.
Si Daanbantayan Mayor Augusto Corro nangayo na og suporta sa Cebu Provincial Anti-drug Abuse Council (CPADAC) alang sa iyang ipahigayong drug test sa mga kawani sa ilang munisipyo.
Kini isip tubag sa kampanya sa Kapitolyo batok sa ginadiling drugas. (/BDB)(BANAT NEWS)
- Latest
