Gikan sa “milkshake” karon “Fly High” na usab

CEBU, Philippines - Duna karo’y bag-ong nadiskobrehan nga matang sa drugas nga gikabuangan na usab sa mga adik sumala pa sa Philippine Drugs Enforcement Agency 7 (PDEA). Kini gitawag og “Fly High” nga giingong kombinasyon sa shabu, ecstasy ug sex enhancement pill. Si Director Esperidion Javier sa PDEA 7 mitug-an nga duna sila karo’y nakuha nga ebidensya gikan sa usa ka bar sa downtown area nga nagbaligya sa maong klase nga drugas.

Kini giingon nga nagkantidad og P1,800  taga kapsula nga matud pa sulod sa upat ka adlaw ang epekto niini. Wala ‘sab gibutyag sa opisyal kung asa nga bar nila kini nakuha gumikan gusto nila masiguro kung kinsa gyud ang nagpayuhot niini. Usa sa mga agents  sa PDEA 7 giingong maoy giduol sa usa ka dealer niini.

Ang PDEA-7 ang “milkshake” usa ka matang sa ilegal nga drugas nga giingong gisagol nga nubain ug shabu nga i-inject sa mga adik-adik.  (BANAT NEWS)