Davide makigtagbo sa power sector

CEBU, Philippines - Pakigtagboan ni Gob. Hilario Davide III ang power sector kabahin sa kahimtang sa power supply sa Sugbo karong Biyernes.

Kini human gibutang sa red alert status ang Cebu-Negros-Panay power grid tungod sa tulo ka napawong nga power plants.

Gikatahong nagsugod na ang rotational brownout nga mismo ang Kapitolyo nakasinati tungod sa pagtaas sa demand sa kuryente ning panahon sa ting-init.

Si Davide nanghinaut nga maminaw ang katawhan sa mga pahinumdum kabahin sa insaktong paggamit sa kuryente.

"If only people will heed the advisory, kanang unsaon paggamit sa power, sa energy," matud ni Davide. (BANAT NEWS)