Bag-ong konsehal sa Toledo nilingkod na
CEBU, Philippines - Gipaila-ila ni Bise Mayor Antonio Yapha Jr. niadtong Lunes ang bag-ong konsehal sa dakbayan sa Toledo nga si Dr. James Yared Gaite atol sa unang pagtambong sa sesyon.
Si Gaite nanumpa atubangan ni Gob. Hilario Davide III niadtong Biyernes human siya ang gitudlo nga mohulip sa nabakanteng pwesto sa namatay nga si konsehal Ricardo Rafols Jr.
Si Gaite maoy labaw sa Lebumfacil-Santa Ana Medical Foundation, Inc. ug sakop sa politikong pamilyang Lebumfacil sa dakbayan.
Si Gaite nadugang sa grupo sa habig ni Mayor John Henry Osmeña kinsa nakasugat og problema sa pagpasar sa budget nga gibabagan sa mayoriya sa mga sakop sa konseho.
Hangtud karon padayon pang gihuwat ang mamahimong desisyon sa korte kalabot sa pagkwestiyon sa pondo. (BANAT NEWS)
- Latest
