Psychologist testigo sa husay sa kaso batok Apduhan karon
CEBU, Philippines - Usa ka psychologist ang ipresentar sa Provincial Women’s Commission sa laing husay sa kasong illegal detention batok sa lider sa kulto nga si Casiano Apduhan.
Nanghinaut si Bise Gobernador Agnes Magpale, co-chairperson sa PWC, nga dili mahadlok ang uban nilang testigos sanglit andam sila mohatag og proteksyon.
Nagdumili si Magpale pagbutyag sa saktong ihap sa ilang mga testigos sanglit dili pa sila segurado kung mopadayon ba sila sa pagtoo nga mogamit si Apduhan sa iyang karisma.
“Di lang ko ka kuan kung pila pa ka mga witness kay lisod kaayo, we’re not even sure if mopadayon, I don’t know what power, he must be very charismatic to convince Emma (nga mobaliktad),†matud ni Magpale.
Gikabalak-an ni Magpale ang abogado ni Apduhan nga mao usab ang abogado ni Ruben Ecleo Jr., laing lider sa kulto nga gisilotan sa pagkabilanggo sa tibuok kinabuhi sa kasong pagpatay sa iyang asawa.
Nanghinaut si Magpale nga sa umaabot aduna silay laing testigo nga magagikan sa kulto sama sa usa nila ka testigo nga kaniadto maunongon ni Apduhan.
Giawhag usab ni Magpale ang mga sakop sa media sa pagsaksi sa mga panghitabo.
“Parehas atong pag-raid nga daghang bun-og si Emma basig balihon mi, nga ang NBI ang nagbuhat ato, we really want media to be with us,†dugang ni Magpale. (BANAT NEWS)
- Latest
