Konduktor gipatay sa pasahero
CEBU, Philippines - Dead on arrival sa North General Hospital ang usa ka konduktor sa jeep human kini gipusil sa wala mailhing mamumuno, alas 2:20 sa hapon, sa Tintay Terminal, Barangay Talamban ning dakbayan.
Ang biktima giila nga si Roger Suldano, 23, taga Matab-ang ,Toledo City ug temporaryong nagpuyo sa Barangay Maguikay, Mandanue City.
Matud pa ni SPO1 Ruth Violango ang imbestigador sa Homicide Section sa Cebu City Police Office nga pasahero usab sa maong jeep ang mamumuno. Sakay sa jeep ang mamumuno ug pag-abot sa Tintay Terminal samtang nag-ihap sa kwarta ang biktima kalit kini nga gisumbag sa maong tawo ug gisundan dayon og pusil katulo ka higayon.
Human sa pagpamusil nangita og kasakyan ang suspek ug nanion pa kini og habal-habal driver nga maoy iyang gipa-drive pag-eskapo padulong sa Mandaue.
“Na-shock gyud ang habal habal driver, dili pa gyud maestorya, murag naa ni siya’y kauban kay naa man nagpaabot nga motor pag-abot nila sa Mandaue, murag personal nga bikil ni nila kay gisumbag pa man ayha pa gipusil,†matud pa ni SPO1 Ruth Violango nga nahinabi sa Banat News. (BANAT NEWS)
- Latest
