Romana di motoo kremin ningsaka

CEBU, Philippines - Dili motoo ang hepe sa Cebu City Police Office nga nisaka ang gidaghanon sa krimen sa dakbayan sa Sugbo karong tuiga.

Matud ni CCPO Director Noli Romana nga mas daghan pa ang krimen nga natala sa niaging tuig.

Gipasabot ni Romana nga wala pa nahuman ang validation sa tanang records sa kapulisan.

Apan bisan dili kombinsido sa maong report, gipatuman gihapon ni Romana ang kamanduan sa Oplan Libod-suroy aron matagaan og pagtagad ang kaso sa mga street crimes, apil ang paglahugay sa pipila ka mga station commanders. Ang nahitabong kalamidad sa ubang dapit usa sa gitumbok ni Romana nga hinungdan nga daghan ang nibakwit aron makakita og kwarta apan ang uban miapil sa binuang.

Uyon hinoon si Romana sa pamahayag ni Mayor Michael Rama nga angayan na lang mamutos ang mga opisyal sa kapulisan kun dili kasumpo sa kremin sa dakbayan.

Gani lima ka station commanders ang gibalhin na og pwesto nga sila si C/Insp. Ryan Devaras gikan sa Station 4 gibalhin sa Station 1; C/Insp. David Senor gikan sa Station 2 ngadto sa Station 9; S/Insp. Leoncio Baliguat Jr, gikan sa Station 1 ngadto sa Operations Branch, S/Insp. Allan Rosario sa Station 9 ngadto sa Station 2; samtang si S/Insp. Hartzel Peter Billedo sa Operations Branch mao na ang hepe sa Station 4. (/GMR)(BANAT NEWS)