Mga kolorum nga trak nagkarga utanon, hayopan gipangdakop

CEBU, Philippines - Ubay-ubay na ang gidakop sa Land Transportation Office-7 nga mga kolorum nga mga sakyanan nga nagkarga og mga utanon ug mga kahayopan gikan sa Mantalongon, Dalaguete.

Ang operasyon resulta sa pagkabangga sa usa ka trak nga puno sa kargang kahayopan sa Guadalupe, dakbayan sa Carcar nga nikalas og siyam ka kinabuhi.

Sa report sa buhatan ni LTO-7 Regional Director Arnel Tancinco nagbutyag nga halos tanang mga trak o mga pribadong mga sakyanan nga naghakot og mga kahayopan ug mga utanon ang walay prangkisa hinungdan nga kini gipangdakop. Nasayran usab sa LTO-7 nga gipaplete ang mga negosyante apil na ang ilang kahayupan ug mga utanon bisan walay pagtugot gikan sa Land Transportation Franchising and Regulatory Board.

Hinuon igo lang kini gipamulta og P6 mil apan mosaka pa ang gidak-on sa maong multa sa sunod nga kalapasan. (BANAT NEWS)