Kawani ang mogasto sa rehab
CEBU, Philippines - May kahigayunan ang mga kawani sa Kapitolyo nga positibo sa ilegal nga drugas nga makapaubos sa rehabilitasyon apan ila kaugalingong gasto.
Kini human gipahibawo ni Gob. Hilario Davide III nga dili mogasto ang Kapitolyo sa ilang rehabilitasyon.
Hinoon gitataw ni Davide nga mahimong makabalik sa trabaho ang hingtungdang mga kawani human sa rehabilitasyon.
Sunod-sunod na ang random drug tests sa mga kawani sa Kapitolyo diin nasuta nga may mga kawani nga positibo sa paggamit sa ilegal nga drugas.
Giklaro usab ni Davide nga duna nay pormal nga reklamo nga gipasaka ngadto sa mga napamatud-an nga nigamit og ginadiling drugas apan kasamtangan pang gihuwat ang update.
“Kung nay nag-positive, file-an og charge, kung casual, taktak,†dugang ni Davide
Adunay palisiya ang Kapitolyo kung ang usa ka kawani mapamatud-ang nigamit og ginadiling drugas, kini taktakon gawas lang sa mga regular nga kawani subay sa balaud. (BANAT NEWS)
- Latest
