Upat positibo sa csbt random drug test
CEBU, Philippines - Upat ka kawani na usab ang nagpositibo sa laing random drug test nga gipahigayon sa Philippine Drug Enforcement Agency (PDAF) ug Cebu Provincial Anti-Drug Abuse Council (CPADAC) sa Cebu South Bus Terminal kagahapon.
Gikatahong 95 ka mga empleyado ang nipailawom sa maong drug test nga gilangkoban sa 36 ka outsource employees, 23 ka janitor, 23 ka security guard, pito ka clerical, tulo ka medics, duha ka polis ug usa ka sakop sa Civil Security Unit (CSU).
Base sa inisyal nga resulta, upat ka lalaki nga outsource employees ang nasuta nga adik, ang resulta ipailawom pa sa confirmatory test.
Ang Administrator sa CSBT nga si Vicente Dejoras Jr. nagpatawag og tigom sa mga kawani ug gibaharan kadtong di motambong nga taktakon sa trabaho hinungdan nga mibutho ang tanan. “Meeting ray gibutang, wa jud mi kahibalo nga drug test diay,†sigun ni Ricardo Laude, kolektor sa terminal.
Si Alfredo Herrera, CPADAC Executive Director nagkanayon nga tungod kay kasagaran sa mga nagpositibo sa illegal drugs mga outsource nga mga kawani, mas maayong hunongon na ang pagpanawat kanila. (Analuz Abing ug Junas Flores, CNU Interns/EIM)(BANAT NEWS)
- Latest
