Minor, laing usa nakuhaan og armas

CEBU, Philippines - Usa ka menor de edad ug 19-anyos nga lalaki ang gidakop sa kapolisan gumikan sa ilegal nga paghupot og armas. Ang menor de edad gipanid-an ni SPO2 Alex Nable samtang nagsandig sa sakyanan ug may gibitbit nga bag sa may Tubod Crossing, Minglanilla.

Giduol ni Nable ang suspek ug gihiling ang bag nga may sulod .38 cal. revolver.

Sa laing bahin, ang 19 anyos nga si Erwin John Bayaton ang gidakop sa barangay tanod nga si Roy Jaroy human kini gitudlo nga nagsugod og gubot diha sa usa ka basketball court sa Barangay Sta. Ana, Barili.

Ang suspek nasakpang naghupot og caliber .357 revolver nga walay serial number.  (BANAT NEWS)