Lalaki misampak sa trak nakalas

CEBU, Philippines - Patay ang usa ka lalaki human aksidente nga nabanggaan sa usa ka trak alas 4:30 sa kahapunon niadtong Sabado diha sa Barangay Caduawan, Tabogon.

Ang biktima giila nga si Allan Tul-id, 48, usa ka biyudo ug nagpuyo ra sab sa maong barangay.

Samtang ang driver sa trak giila sa pangalan nga si Gavino Hepervis, 49, minyo, ug nagpuyo sa Taytayan, sa dakbayan sa Bogo ug nagtrabaho sa Dapat Marketing sa maong siyudad.

Sa imbestigasyon sa Pinamungajan Police Station wala makabantay si Hepervis sa paglabang ni Tul-id sa karsada ug diretso niya kining nabanggaan.

Dali nga gidala sa Severo Verallo District Hospital ang biktima apan wala na kini natabang pa ug nakabsan sa iyang kinabuhi.

Mitahan dayon sa iyang kaugalingon ang driver sa maong trak ug  gikatakdang pasakaan og kaso karong adlawa. (/EIM)(BANAT NEWS)