P.8M shabu ug marijuana
CEBU, Philippines - Moabot sa 400 mil ka pesos nga kantidad sa shabu ang nakuha sa RAIDSOTF 7 kon Regional Anti-Illegal Drugs Special Operations Task Force sa gilusad nga operasyon sa siyudad sa Danao kagahapo’ng adlawa.
Sikop sa gihimo nga operasyon sa RAIDSOTF-7 ang target nila nga usa ka level 2 drug dealer sa siyudad sa Danao nga si Alcar Tolibas, 43, minyo nagpuyo sa Sitio Dancar, Barangay Tugonon, Danao City. Nakuha gikan ni Tolibas ang 14 ka medium size nga pakete nga shabu nga mokantidad og P400 mil ug mga drug paraphernalia.
Apil sa nasikop atol sa maong operasyon ang tulo ka kauban ni Tolibas nga sila si Renato Betoya, Eric Escobiyo ug Norlito Batolan nga pulos nakuhaan og tag tulo ka medium pack sa shabu. Matud pa ni Sr. Insp. Henrix Bancoleta, ang nangulo sa maong operasyon, nga kapin usa ka bulan ang ilang gihimong surveillance sa maong suspek. Basi sa nakuha nga impormasyon ni Bancoleta nga gikan pa sa Muntinlupa sa kaulohan ang supply nga shabu ni Tolibas.
Misulay pa unta og dagan ang suspek uban sa tulo ka kauban niya apan naapsan sila human sa ginukdanay nga miresulta usab sa ilang pagkapangos.
“Misulay pa gyud ni sila og dagan, pero ang atong mga kauban naka stand by naman gud sa mga possible nga lutsanan nila, nakabalo na gyud ta asa sila agi, tungod sa atong surveillance,†matud pa ni Sr. Insp. Henrix Bancoleta nga nahinabi sa Banat News.
Sa laing bahin, moabot sa 80 kilo nga Marijuana ang gisunog sa Philippine Drug Enforcement Agency kon PDEA 7 nga nakuha gikan sa 30 ka lokasyon sa barangay Bayong, Balamban, niadtong Abril 11. Matud pa ni PDEA Chief of Plans Operations Division Mark Maramba, nga ang maong 3mil ka marijuana nga gisunog, nagkantidad og P400 mil, apan sa kinatibuk-ang 18 mil ka punoan sa maong operasyon mokabat tanan og P1.4 milyon, kun ma-proseso na kalimahon ka pilo ang abuton sa presyo niin. Sumala pa niya nga ang marijuana mao ang ikaduha sa ilegal nga drugas nga gikabuangan karon sa mga adik sunod sa shabu. (BANAT NEWS)
- Latest
