Usa sa lima ka abogado sa Cebu gagmay ra kaayo og gideklarar nga income —BIR
CEBU, Philippines - Usa sa kada lima ka mga abogado sa Cebu ug sa Davao dili matinud-anon sa pagdeklarar sa ilang mga income tungod kay sila mideklarar lang og gagmay nga income tax returns itandi sa mga ordinaryong public school teachers sumala pa sa bag-ong “shame campaign ad†sa Bureau of Internal Revenue.
Sa ilang advertisement sa igsuong pamantalaan sa Banat News nga The Philippine Star kagahapon, ilang gibutyag nga 713 ang registered taxpayer lawyers sa Cebu ug 626 in Davao.
Matud ni Atty. Michael Yu, kanhi presidente sa Integrated Bar of the Philippines Cebu City Chapter nga sagad sa mga abogado sa Cebu naggunit og mga pro bono cases ug contingency cases.
“On the shame campaign ad, it is unnecessary, because our practice in Cebu City is unlike in Metro Manila, it is common with Cebuano lawyers to handle pro bono cases and contingency cases because it has also to adjust to the economic conditions of the clients. The Cebuano lawyers are helping more the plight of the less fortunate which should be also recognized by the government,†matud pa niini sa text message sa Banat News.
Midugang si Yu sa pag-ingon nga dili pa lang dugay, ang IBP Cebu City chapters miawhag sa ilang mga miyembro nga magparehistro isip mga taxpayers ug bayran ang hustong buhis. Gani dunay gihimong symposium sa mga abogado uban ni BIR Regional Director Hermeno Palamine ug mga sakop sa legal division sa naghinapos nga kwarter sa tuig 2013 ug nagtuo siya nga nagbunga kadto og maayo.
Nasayran nga sagad sa mga abogado dili mohatag og resibo sa ilang mga serbisyo sama sa mga doktor. (BANAT NEWS)
- Latest
