Lalaking nag-estambay sa internetan gipusil

CEBU, Philippines - Usa ka estambay ang naangol human kini gipusil sa wa mailhing tawo samtang kini nag-estambay atubangan sa usa ka internetan sa dalan Colon, Barangay Kalubihan ning dakbayan kagahapon sa kaadlawon.

Nalandig sa Cebu City Medical Center (CCMC) si Edcel Borgonia, human napusilan sa walang bahin sa dughan. Base sa imbestigasyon sa kapulisan, usa ka lalaking nagsul-ob og itom nga jacket ang mamumuno nga kalit lang miduol sa biktima ug walay daghang pangutana gidiretso kini og pusil sa biktima.

Na-recover sa crime scene ang usa ka kabhang sa  .45 nga kalibre sa armas. Blangko pa ang kapulisan sa hinungdan sa pagpamusil.

Samtang pasado alas-10 sa kagabhion sa Sabado, ang elemento sa Police Station 1,Parian Police Station ang misikop kini sa usa ka Christopher Panugan, 26, nga nagpuyo sa F. Villa St., Barangay T. Padilla, Cebu City, human kini nakuhaan og .38 revolver nga adunay duha ka bala.

Sumala pa nga samtang naghimo og night watch duty sila si PO1 Christopher Cuizon ug PO1 Erwin Pitogo, didto sa ma’y Sancianko Street, Corner Pelaez Street, Barangay Kamagayan nasakpan nila ang suspek nga nagdala og armas nga wala’y napakita nga lisensya. (BANAT NEWS)