General Oppus mo-retiro na

CEBU, Philippines - Ang Bol-anon nga opisyal sa kapolisan nga giingong estrikto nga mopatuman sa balaod ngadto sa mga polis moretiro na sa katungdanan ugma’ng adlawa.

Si Chief Superintendent Louie Oppus motangkod na nga 56-anyos nga maoy compulsory retirement age sa kapolisan. Ang kataposan niya nga katungdanan nga gihuptan mao ang pagka hepe sa Firearms and Explosives Office (FEO) sa Camp Crame.

Si Oppus nga anak lang og usa ka masyador sa buwangan kaniadto sa wala pa mahimong polis gipasidunggan sa iyang mga kaubang polis didto sa Camp Sergio Osmeña Sr. kaniadtong Biyernes.

Hinuon, nahibaw-an nga si Oppus mopadayon gihapon pagserbisyo sa Camp Crame isip consultant sa Firearms and Explosives Office.

Si Oppus maoy nagpatuman sa lagda nga ang moparehestro og armas ang tag-iya kinahanglang moadto gayud sa Camp Crame.  (BANAT NEWS)