Kadaugan sa Mactan andam na
CEBU, Philippines - Andam na ang 250 ka polis sa dakbayan sa Lapu-Lapu sa tulo ka adlaw nga kalihukan nunot sa kalihukan sa Kadaugan sa Mactan diin gisugdan kagabii.
Matud pa ni Lapu-Lapu Police Office (LLCPO) Acting Director Armando Radoc nga 70 ka dugang polis ang miabot kagahapon gikan sa Regional Safety Batallion nga moabag sa iyang 190 ka polis aron pagsiguro sa kahapsay sa kalihukan.
May mga sakop usab sa Philippine Air Force, Navy ug mga barangay tanod nga motabang sa pagmentinar sa kahusay ug kalinaw.
Atol sa kalihukan bantayan gihapon sa mga polis ang mga tourist spots sa Lapu-Lapu ug uban pang vital instalation sa dakbayan apil ang mga lugar nga daghang langyaw.
Sa kalihukan karong adlawa ug sa Rampada mohimo ang mga pulis og pagpangrikisa sa niadtong kadudahan og mga lihok ilabi na ang mga badlongon sa katilingban.
Sakmiton ang mga botilya nga ipamaligya sa mga vendors ngadto sa mga customers gumikan sa “no bottle policy†sa mga magpainom og makahubog nga ilimnon. (/RUB)(BANAT NEWS)
- Latest
