Nangabuso og bata nadakpan

 CEBU, Philippines - Usa ka tawo nga nag-atubang og kasong child abuse ang nadakpan sa kapolisan kagahapon sa buntag sa barangay Panas, lungsod sa Consolacion.

Ang nadakpan mao si  Martin Bucag, 57, lumad nga taga Cabadiangan, Liloan nga giingong wala na kini igkita dihang migawas ang warrant of arrest gikan ni Judge Teresita Galanida sa Branch 56 Regional Trial Court (RTC) 7 niadtong Marso 4 niining tuiga.

Si SPO4 Windry Pilapil nakadawat  og mga taho nga nasigpatan kini sa barangay  Garing hinungdan nga giadto sa ilang warrant server nga si PO1 Alin Lecciones nga miresulta usab sa  pagkasikop. (BANAT NEWS)