Media gustong pakoberon sa sesyon sa toledo council

CEBU, Philippines -  Aprubado na sa ikaduha ug katapusang pagbasa ang resolusyon nga nag-awhag sa  matag media outlet nga nag-operate sa dakbayan sa Toledo sa pag-cover sa ipahigayong regular ug special session sa Sangguniang Panglungsod sa Toledo.

Ang maong resolusyon giduso ug gipangamahanan ni City Councilor Merly Abad, chairman sa committee on public information and media affairs.

Nalatid sa maong resolusyon nga matag media outlet adunay ipadala nga beat reporter o staff sa estasyon.

Tumong niini  nga masayran sa mga taga Toledo ang kahimtang sa syudad, ingon man ang mga programa ug ordinansa nga gipatuman ug gipasar sa mga       konsehal.

Nasayran nga adunay tulo ka mga radio stations ug usa ka TV cable network nga nag-operate sa dakbayan sa Toledo.  (BANAT NEWS)