PRO-7: 100 percent nangandam sa Semana Santa
CEBU, Philippines - “We are hundred percent prepared for the long holiday as well as summer vacation,†mao kini ang panigurado ni Sr. Supt. Orlando Ualat, Deputy Regional Director for Administration, ngadto sa publiko kinsa mubiyahe ngadto ug ngari sa Sugbo. Matud ni Ualat nga ang mga covert ug overt personnel naka-standby na sa nagkalain-laing strategic areas sa dakbayan sa Sugbo ug sa probinsiya. Ila na usab nga gipanigurado nga ang mga kadalanan dili huot.
Si Ualat kauban sila si Regional Intelligence Branch chief, Pablo Labra; Regional Operations Plans Division chief, Sr. Supt. Erson Digal, Public Information Officer, Supt. Renato Dugan ug pipila ka staffs sa PRO-7 nang apud-apod og mga flyers sa North ug South bus terminals lakip na sa port areas. Ang Cebu Provincial Police Office mipahigayon na sa ilang send off ceremony kagahapon sa buntag diin 167 ka mga pulis ang i-deploy ngadto sa Bantayan Island, Minglanilla ug Cebu South Bus Terminal.
Si Loy Madrigal, chief security officer sa CSBT, nagtuo nga modagsa ang mga tawo nga mubiyahe paingon sa habagatang Sugbo sugod kagahapong adlawa hangtod na sa Biyernes Santo.
Sa iyang bahin, si Jolito Flores, spokesperson sa Cebu Bus Operator ug president sa Minibus Association in Cebu, miingon nga aduna silay 360 ka mga bus nga naka-ready alang sa publiko apan kung magkuwang kini andam silang mopuno og dugang bus. (BANAT NEWS)
- Latest
