Level 3 drug suspek nadakpan

CEBU, Philippines - Ubay-ubay nga pakete sa shabu nga mobalor sobra sa P80,000 ug .22 Magnum revolver nga armas ang nakuha sa Provincial Intelligence Branch sa buy-bust operation sa Sitio Abaca, barangay Poog, dakbayan sa Toledo sa miaging hapon.

Ang duha ka mga suspek misuway sa pag-ikyas apan nasikop  sila sa operatiba uban ang Toledo City police ug giila sila nga sila si Jonathan “Atan” Respondo, 35, ug si Noel Descartin. Nakuha gikan kanila ang tulo ka dagko ug walo ka mga medium nga pakete sa shabu nga mobalor sa P82,000, armas, P1000 marked money, digital weighing scale ug drug paraphernalia. Si Sr. Insp. Leo Logroño, team leader, mibutyag nga duha ka semana nilang gipanid-an si Respondo  una pa nila gihimo ang operasyon. Si Respondo usa ka level three nga drug pusher kinsa anaa sa watchlist sa PIB. (BANAT NEWS)