Lapu-lapu security gipahugtan

CEBU, Philippines - Tutukan sa kapulisan sa dakbayan sa Lapu-Lapu ang seguridad sa tugpahanan ug beach resorts  nga gilaumang dagsaon sa mga bakasyonista ning panahon sa kwarisma.

Matud sa officer in-charge sa Lapu-Lapu City Police Office Sr. Supt. Armando Radoc nga mipahigayon sila og inspection sa mga dapit nga sagad dagsaan sa mga tawo aron pagseguro sa seguridad.

Nasayran nga gawas sa holy week preparation dungan usab nila nga gipangandaman ang Kadaugan sa Mactan  festivities karong  Abril 27.

Gimando niya sa mga hepe nga kinahanglang visible sila 24-oras aron makatubag dayon sa mga alarma nga motumaw.

Kahinumduman nga bag-o lang nga miasumer isip hepe sa kapulisan sa Lapu-Lapu si Radoc ug iyang gipasalig nga iyang buhaton ang tanan alang  sa kaayuhan sa siyudad. (BANAT NEWS)