Napunggit sa motor

CEBU, Philippines -  Grabeng naangol ang usa ka tawo nga napunggit sa naghagiyos nga motorsiklo sa dalan M.C. Briones, Tipolo, dakbayan sa Mandaue sa miaging Lunes sa gabii. Ang biktima mao si Francisco Benitis Largado, 52, ug ang nakadasmag niya mao si Nigel Alesser Mainit, 22, nga taga Barangay Gun-ob, Lapu-Lapu City. Si PO2 Ernesto Rivera Jr., field traffic investigator miingon nga paingon sa Cebu City ang suspek dihang napunggit niini ang biktima nga milabang sa karsada. Gumikan sa kusog nga impact sa maong pagdasmag  ang biktima nalamba sa karsada nga nakaingon sa grabeng bun-og sa lawas nga naangkon niini ug  ang suspetsado nakabaton usab og mga bun-og sa lawas dihang nalamba kini uban sa iyang motorsiklo. Ang duha gidala sa Mandaue City Hospital.  (BANAT NEWS)