Sugat anha na gyud sa sports complex
CEBU, Philippines - Nagkasinabot na ang mayor ug ang kaparian sa Minglanilla kun asa ipahigayon ang Sugat Kabanhawan human gipatawag sila sa usa ka closed door meeting ni Archdiocese of Cebu Episcopal Vicar Msgr. Esteban Binghay. Sa ilang meeting, nagkauyon ang duha ka partido nga ang venue sa presentasyon ngadto sa sports complex ug nagkasinabot sila nga undangon ang disko.
“Among gikasabotan, premiro, mahinayon ang sugat adto didto sa oval, hasta ang misa, adto didto. Pero, no disco before the mass. After the mass, bisan magkinaunsa na dinha, moapil sad ko,†matud ni Binghay.
Sa laing interbyu, si Minglanilla Mayor Elanito Peña malipayon nga nasulbad na ang problema sa venue. Dugang niya nga misugot sila nga ihunong ang disco karong tuiga tungod dili sila gusto og gubot. Malipayon usab si Rev. Fr. Arnie Visitacion sa resulta sa ilang miting. Matud niya nga “(It’s a) triumph of faith over human tradition.â€
Samtang si Chief of Police Richard Gadingan sa Minglanilla Police Station, miapelar sa publiko nga mabinantayon kanunay. Matud ni Gadingan, magpabilin nga alerto ang kapolisan ug mosuporta ra sila bisan asa ipahigayon ang Sugat. (BANAT NEWS)
- Latest
