Gidunggab sa maguwang

CEBU, Philippines - Usa ka 19-anyos nga ulitawo giunay pagdunggab sa iyang maguwang atol sa mainiton nila nga panaglalis didto sa Barangay Nonoc, Talisay kaniadtong Sabado sa gabii. Si Raul Elorcha, lumolupyo sa Barangay Nonoc, nakaangkon og dinunggaban sa iyang buko-buko dihang gidunggab siya sa 22-anyos niya nga maguwang gamit ang kutsilyo.

Sa imbestigasyon nahibaw-an nga si Angelo Elorcha wala na makaantus sa mainiton nila nga panag-away ug sa iyang manghod mao nga iya kini nga gidunggab. Daling miikyas ang maguwang human sa pagpanunggab samtang ang biktima dali usab nga gidala sa tambalanan.   (BANAT NEWS)