Meat inspectors mipahimangno
CEBU, Philippines - Ang kadagkoan sa National Meat Inspection Service (NMIS) mipahimangno sa publiko nga magbantay sa mga “double dead meat†nga hayan ipamaligya karong summer.
Ang mga opisyal sa NMIS, usa ka ahensya nga ubos sa Department of Agriculture (DA), mipasabot nga tungod sa kainit sa panahon posibleng adunay kahayopan nga mangamatay ug ibaligya ra gihapon ang mga karne niini sa kamerkadohan.
Ang buhatan ni Joel Elumba, Officer-in-Charge (OIC) for research and regulatory affairs sa DA-7, miingon nga gidili sa balaod ang pag-ihaw sa nagkasakit ug himatyon, labaw na sa mga patay nga kahayopan ug ibaligya ang karne mga karne.
Hinuon ang DA-7 wala pay nadawat nga report nga adunay nangamatay nga kahayupan tungod sa kainit karon sa panahon.
Ang mga meat inspectors subsob nga naghimo og inspection sa kamerkadohan inabagan sa city ug municipal veterinarians aron pagsiguro nga luwas kan-on ang mga karne nga gibaligya.
Ang mga “hot meat†mailhan kay ibaligya kini nga barato, luspad ang kolor sa karne nga mora’g naughan sa dugo.
Matud sa NMIS nga pahamtangan og multa gikan sa P600 mil hangtud sa usa ka milyon ang mga magpapatigayon nga masakpan nga namaligya og double dead nga mga karne. (BANAT NEWS)
- Latest
