HPG di molaban
CEBU, Philippines - Si Konsehal Nestor Archival miawhag sa kadagkoan sa PNP Highway Patrol Group nga tumanon ang ilang gipasalig nga dili labanan ang ilang mga sakop kun tinuod man nga sila nalambigit pagpatay sa iyang manghod nga si Atty. Noel Archival.
Matud sa konsehal nga si Senior Inspector Joel Dimaano, chief sa investigation division sa HPG-Camp Crame, mipasalig kaniya nga dili gayod labanan ang ilang mga kauban nga ania madistino sa Sugbo kun sila makita nga sad-an.
Nagtoo gayud si Konsehal Archival nga may kalambigitan ang mga opisyal sa HPG sa pagpatay sa iya’ng manghod kay ang usa sa mga sakyanan nga gigamit sa pagpamanhig didto man nakuha sa impounding area sa HPG sa Lahug. Ang mga opisyal sa HPG hangtod karon wala pa usab magpa-ballistics test sa ilang mga armas. (BANAT NEWS)
- Latest
